KARIBU MWENGE WA UHURU WILAYA YA TANGANYIKA

HALMASHAURI YA WILAYA YA MPANDA YATIKISA KATIKA UINGIZAJI WA TAARIFA ZA SHULE

SEMINA YA MAFUNZO YA VISHIKWAMBI HALMASHAURI YA WILAYA YA MPANDA

Walimu wa Shule za Msing Halmashauri ya Wilaya ya Mpanda wakisikiliza mafunzo ya namana ya kutumia kishikwambi (tablet). walimu hao wamewezeshawa kutumia taarifa muhimu kutoka shule walizopo moja kwa moja kupitia vishikwambi walivyopewa kwa matumizi ya kutunza taarifa za shule zao.Mafunzo hayo ya siku nne yaliyofadhiliwa kupitia programu ya EQUIP Tanzania yalianza tarehe 4/03/2019 na yatakamilika 8/03/2019

HALMASHAURI YA WILAYA YA MPNDA YAJIPANGA KIKAMILIFU KUIMARISHA MBINU ZA UFUNDISHAJI MASHULENI.

HALMASHAURI YA WILAYA YA MPNDA YAJIPANGA KIKAMILIFU KUIMARISHA MBINU ZA UFUNDISHAJI MASHULENI.

Mkurugenzi mtendaji wa halmashauri ya wilaya ya Mpanda (wa kwanza kutoka kulia) akiongozana na afisa elimu msingi Bw. Kenny Shilumba na sisita Rose Sungura wakiangalia zana za kufundishia wanafunzi wa awali na darasa la kwanza. Mafunzo hayo yameratibiwa na OR-TAMISEMI kwa kushirikiana EQUIP- Tanzania. Jumla ya walimu 82 na maafisa elimu wa kata 13 wamepatiwa mafunzo ya namna ya kuinua elimu katika wilaya ya Tanganyika.

NIMWENDO WA JET KWENYE UJENZI WA MADARASA

HALMASHAURI YA WILAYA YA MPANDA NIMWENDO WA JET KWENYE UJENZI WA MADARASA
Mkurugenzi mtendaji wa Halmashauri ya wilaya ya Mpanda Bw. Romuli Rojas John (wa kwanza kutoka kulia) akiwa na afisa mipango Bw. Dotto Kwigena na Afisa elimu sekondari Bw. Michael Lyambilo, wakiteta jambo katika eneo la ujenzi wa sekondari Sibwesa. Siku hiyo uongozi wa mkoa wa Katavi na wilaya ya Tanganyika walifika kuona hatua ya ujenzi wa shule mpya ili ziweze kufunguliwa na kuchukua wanafunzi 2019.

HALMASHAURI YA WILAYA YA MPANDA YA JIPANGA KIKAMILIFU JUU YA DARASA LA AWALI

HALMASHAURI YA WILAYA YA MPANDA YA JIPANGA KIKAMILIFU JUU YA DARASA LA AWALI

Mkurugenzi mtendaji wa Halmashauri ya wilaya ya Mpanda Bw. Romuli Rojas John (wa kwanza kutoka kulia) akiangalia moja ya zana ya ufundishaji iliyotengenezwa na mwali wa darasa la kwanza. Zana hiyo imetengenezwa kwa kutumia mmea wa upupu pamoja na karatasi ya manila

 

MPAKA KIELEWEKE

HALMASHAURI YA WILAYA YA MPANDA YA JIPANGA KIKAMILIFU JUU YA DARASA LA AWALI "MPAKA KIELEWEKE"
Hiki ni mfano wa kitanda kilichoandaliwa na mwalimu wa madarasa ya awali na kwanza kwa ajili ya kufundishia watoto namna ya kuandaa kitanda kabla ya kulala. Mambo kama haya yanasaidia kuwafundisha watoto wawe nadhifu na kutunza miili yao na kuwa safi muda wote. Mafunzo hayo yamefanyika Januari 28, 2019 katika ukumbi wa shule ya Mt. Maria-Mpanda.

Bw. Amosi Makala atiatimu Halmashauri ya Wilaya ya Mpanda

Mkuu wa mkoa wa Katavi Bw. Amosi Makalla (wa pili kutoka kushoto) amefanya ziara ya kutembelea shule za sekondari zinazotarajia kuchukua wanafunzi waliofauli na kukosa nafasi. Wilayani Tanganyika kuna wanafunzi 363 na wanatarajia kujiunga kidato cha kwanza 2019 katika shule za Sibwesa, Bulamata na Ilangu.

TANGAZO LA KUITWA KAZINI HALMASHAURI YA WILAYA YA MPANDA

 MAJINA  MENGINE YANAPATIKANA KWENYE TOVUTI YA HALMASHAURI YA WILAYA YA MPANDA

 www.mpandadc.go.tz

 

Bofya hapa kupata taarifa.Tangazo la kitwa kazini MpandaDC.jpg 

NAFASI ZA KAZI HALMASHAURI YA WILAYA YA MPANDA

NAFASI ZA KAZI HALMASHAURI YA WILAYA YA MPANDA ZATANGAZWA KWA MAELEZO ZAIDI...

BOFYA HAPA:

mpandadc.go.tz

Advertisement | Mpanda District Council

ZAIDI YA NYUMBA KUMI ZIMEATHIRIKA KUTOKANA NA MVUA

ZAIDI YA NYUMBA KUMI ZIMEATHIRIKA KUTOKANA NA MVUA

Zaidi ya nyumba kumi zimeathirika kutokana na mvua iliyonyesha juzi ikiwa imeambatana na upepo mkali katika kijiji cha kabungu Kata ya Kabungu Wilaya ya Tanganyika na kusabaisha familia nane kukosa makazi na kuhifadhiwa na wasamalia wema.

Akitoa taarifa  ya athari za mvua hiyo mbele ya kamati ya ulinzi na usalama ya wilaya iliyoongoza na kamati kamati ya maafa Afisa taarafa wa Tarafa ya Kabungu Odes Gwamaka ameleza kuwa baada ya kupokea taarifa hizo uongozi wa serikali ya kijiji kata na Tarafa walifika eneo la tukio kuwajulia hali wahanga na  kuchukua hatua za haraka kuwapa msaada wa kibinadamu ikiwa ni pamoja na kuwatafutia mahali pa kulala kwa wale walioezuliwa nyumba zao.

 Mkuu wa Wilaya ya Tanganyika Salehe Mhando ambaye pia ni mwenyekiti wa kamati ya ulinzi na usalama na kamati ya maafa ya wilaya ametembelea  wahanga na kuwapa pole na msaada ya awali ya kibinadamu kama chakula,na kutoa maaelekzeo tathimini ifanyike mapema ili kujua hasara iliyopatikana 

Aidha amewaelekeza wananchi wanapojenga nyumba waepuke ile tabia iliyozoelekea ya kutokufunga lenta ,kwani nyumba yenye lenta inakuwa imara Zaidi,na kusisitiza kupanda miti kwenye maeneo yao kwa kuwa inasaidia kupunguza kasi ya upepo  pindi mvua zinaponyesha zhasa zile za upepo mkali.   

 Kwa Upande wake Katibu wa Kamati ya maafa ya  wilaya ya Tanganyika Reginald Mhango ambaye pia ni Kaimu Katibu Tawala wa Wilaya  kwa kushirikiana na uongozi wa Kijiji ,Kata  na Tarafa  ametoa mchanganua wa msaada uliopatikana  na jinsi utukagawiwa kwa walengwa,ambapo kwa harakahara vitu vilivyolewa unga wa sembe,maharage,sabuni sukari vinathamani ya Zaidi ya shilingi laki tano kwa kuthamanisha.

Diwani wa Kata ya Kabungu Christina Reonard Sanane ameshukuru kwa niaba ya wananchi wake kwa msaada wa awali uliotolewa na serikali sanjari na kuwahifadhi wahanga walioathiliwa na mvua hizo kwa kubomolewa numba zao.

Wananchi wamepewa tahadhari kuwa waangalifu kutokana na Mvua zilizoanza kunyesha maeneo mbalimbali nchini ambazo zimeanza kuleta madhara.

DC AONGOZA HAMASA YA WANANCHI KATIKA UJENZI WA SHULE

DC AONGOZA HAMASA YA WANANCHI KATIKA UJENZI WA SHULE

Mkuu wa Wilaya ya Tanganyika Salehe Mhando ameshiriki ujenzi wa Shule shikizi ya kijiji cha Songambeleiliyoko kata ya Kapalamsenga wilaya ya Tanganyika Mkoa wa Katavi ikiwa ni jitihada za wananchi wa kijiji hicho kuharakisha upatikanaji wa huduma ya elimu kijijini hapo.

Akiwa katika kijiji hicho Mkuu wa Wilaya Mhando ameshiriki katika zoezi la kusafisha eneo la ujenzi wa vyumba vya madarasa kwa kushirikiana na uongozi wa kijiji na Kata pamoja na wananchi kwa ujumla, kusafisha eneo hilo kisha kulipima mahali madarasa yatakapo kaa wakiongozwa na Mhandisi wa ujenzi wa Wilaya  Salum

Mkuu wa Wilaya amesema ili kurejesha ari ya wananchi kushiriki katika shughuli za maendeleo  yao kuelekea uchumi wa  Katina viwanda ofisi yake imeamua kufuatilia na kusimamia utekelezaji wa sera na ilani  kwa vitendo katika ngazi ya  jamii kushiriki na kuchangia shughuli za maendeleo yao kwa kufanya kazi bega kwa  bega na wananchi kwa kuchangia nguvu zao,rasilimali fedha, rasilimali vifaa na ufundi kwenye utekelezaji wa ujenzi wa miundo mbinu ya  elimu,afya,kilimo,mifugo, barabara na viwanda vidogovidogo.

Amesema mradi huu wa ujenzi wa shule ya  kijiji cha Songambele utasaidia kusogeza huduma ya elimu jirani na wananchi na amevutiwa na hamasa kubwa ya maendeleo ndiyo maana ameamua kushiriki na wananchi katika kuendeleza ujenzi wa madrasa ambayo  yatasaidia sana katika kutoa elimu kwa watoto wa kijiji hiki na vitongoji vyake.

Kwa upande wao wananchi nao wameahidi kuhakikisha wanakamilisha ujenzi huo kwa wakati ili shule zinapofunguliwa wawe na sehemu ya kusomea.

Mkuu wa Wilaya ya Tanganyika Salehe Mhando akishiriki katika shughuli za ujenzi wa shule kwa kufyeka eneo la ujenzi wa vyumba vya madarasa shule shikizi ya songambele Kijiji cha songambele Kata ya Kapalamsenga.

Mkuu wa Wilaya ya  Tanganyika Salehe Mhando aliyeshika jembe akiwa na wananchi na watalaamu wa Wilaya wakiweka alama kuonesha eneo la uchimba msingi kwa ajili ya ujenzi wa vyumba vya madarasa ya shule ya shikizi ya Songambele.

Mkuu wa Wilaya ya Tanganyika Salehe Mhando mwenye kofia ya blue akishiriki na wananchi wa Kijiji cha Songambele katika shughuli za maendeleo ya kufyeka eneo la ujenzi wa shule.

Matukio mbalimbali katika picha ushiriki wa mkuu wa wilaya ya Tanganyika Salehe Mhando katika shughuli za maendeleo kijiji cha songambele kata ya Kapalamsenga akishirikiana na wananchi kuwatia moyo kujitolea kuleta maendeleo.

Matukio mbalimbali katika picha ushiriki wa mkuu wa wilaya ya Tanganyika Salehe Mhando katika shughuli za maendeleo kijiji cha songambele kata ya Kapalamsenga akishirikiana na wananchi kuwatia moyo kujitolea kuleta maendeleo.

Mwandishi wa Habari wa gazeti la majira mkoa wa Katavi George Mwigulu akishirikia kuchimba msingi wa ujenziwa shule ya kijiji pamoja na wananchi wa kijiji cha songambele ikiwa ni kuunga juhudi za wananchi kujiletea maendeleo kwa njia ya kujitolea.

Matukio mbalimbali katika picha ushiriki wa mkuu wa wilaya ya Tanganyika Salehe Mhando katika shughuli za maendeleo kijiji cha songambele kata ya Kapalamsenga akishirikiana na wananchi kuwatia moyo kujitolea kuleta maendeleo.

Matukio mbalimbali katika picha ushiriki wa mkuu wa wilaya ya Tanganyika Salehe Mhando katika shughuli za maendeleo kijiji cha songambele kata ya Kapalamsenga akishirikiana na wananchi kuwatia moyo kujitolea kuleta maendeleo.

Picha zote kitengo cha Habari na Mawasiliano Halmashauri ya Wilaya ya Mpanda.

Mpanda DC kumiliki Tongwe Magharibi

WANANCHI WA VIJIJI VYA MSITU TOGWE WATABASAM

Wananchi wa vijiji vinavyozungwa na msitu wa Tongwe Magharibi wameanza kufurahia baada ya kusikia waziri wa maliasili na utalii Mhe. Hamis Kigwangalla amesaini kusudio la kumilikisha msitu huo kwa Halmashauri ya wilaya ya Mpanda. Msitu huo wenye ukubwa wa zaidi ya hekta 330,000 umezungukwa na vijiji 15 na elimu ya kuwaelimisha na kupokea maoni ya wananchi kwa awamu ya pili imeanza mwishoni mwa Novemba, 2018 na itaendele hadi mwanzoni mwa januari 2019.

Furaha ya wananchi ilionekana mara tu baada ya kaimu Mkuu wa idara ya ardhi na maliasili Bw. Elisha Mengele kuwaeleza kwenye mikutano ya hadhara inayoendelea katika vijiji hivyo vinavyozungukwa na msitu wa Tongwe Magharibi.

“Ndugu wananchi mnakukumbuka kuwa mwanzoni mwa mwezi wa sita timu ya viongozi wa wilaya ya Tanganyika, Halmashauri ya wilaya ya Mpanda na uongozi wa chama na serikali wa wilaya ya Tanganyika walifika kuwaelimisha faida za msitu wa Tongwe Magharibi kwa wananchi endapo msitu huo utamilikiwa na Halmashauri ya wilaya ya Mpanda”. Alifafanua Elisha Mengele.

Aidha, faida zitokanazo na msitu huo wa Tongwe Magharibi ni pamoja na chazo cha kudumu cha mito zaidi 16, ajira kwa vijana 6 kwa kila kijiji kilichozungukwa na msitu huo, uvunaji wa hewa ya ukaa na ufugaji wa nyuki. Faida zingine ni pamoja na shughuli za kiutalii kwani ndani yam situ huo kuna sokwe wa kutosha.

 SERIKALI HAITAMWONEA AIBU ASIYELIPA   KODI  YA MADINI 

 Kibada Ernest Kibada - Katavi.

Naibu Waziri wa Madini Stanslaus Nyongo amesema kuwa Serikali kupitia Wizara ya Madini haitamwonea aibu mchimbaji yeyote wa madini atakayekwepa kulipa kodi Serikalini  kwa kuwa ni kinyume na Sheria ya Madini pamoja na kanuni zake.

Ameyasema hayo leo tarehe  Oktoba 11, 2018 katika  mkutano wake na wachimbaji wadogo wa madini wanaoendesha shughuli zao katika machimbo ya  Dirifu, yaliyopo katika kata ya Magamba mkoani Katavi ikiwa ni sehemu ya ziara yake  katika mkoa huo yenye lengo la  kukagua shughuli za uchimbaji wa madini,  kusikiliza na kutatua kero za wachimbaji wa madini.

Katika ziara yake Nyongo aliambatana na Mkuu wa Wilaya ya Tanganyika,  Salehe Mhando,  Mwenyekiti wa Chama cha Wachimbaji wa Madini Mkoa wa Katavi (KATAREMA), William Mbongo, Kaimu Afisa Madini Mkazi wa Mkoa wa Katavi, Mhandisi Giliard Luyoka, Wataalam wa Madini, Vyombo vya Ulinzi na Usalama pamoja na waandishi wa habari.

Alisema kuwa, kumekuwa na tabia ya baadhi ya wachimbaji wadogo wa madini wasio waaminifu wanaokwepa kulipa kodi serikalini hali inayokwamisha  upatikanaji wa huduma nyingine muhimu katika jamii kama vile elimu, maji, barabara.

“ Mchimbaji ambaye anakwepa kulipa kodi mbalimbali kama Sheria ya Madini na kanuni zake inavyofafanua ni adui namba moja katika ukuaji wa maendeleo ya nchi, hivyo sisi kama Wizara ya Madini tumejipanga kuchukua hatua za kisheria nia ikiwa ni kutaka kila mwananchi anufaike na rasilimali za madini kupitia uboreshaji wa huduma mbalimbali,”alisema Nyongo

Katika hatua nyingine, Naibu Waziri Nyongo aliwataka maafisa madini wakazi katika mikoa yote kuwa wabunifu kwenye ukusanyaji wa maduhuli kwani Sekta ya Madini inatarajiwa mno kwenye ukuaji wa uchumi wa nchi.

Aliendelea kusema kuwa, Serikali inaamini kuwa iwapo Sekta ya Madini itasimamiwa kikamilifu, inaweza kuleta mabadiliko makubwa kwenye  ukuaji wa uchumi wa nchi kupitia uimarishaji wa sekta nyingine muhimu.

Aidha, aliwataka maafisa madini nchini kushirikiana na  vyombo vya ulinzi na usalama katika wilaya kwenye zoezi la ukaguzi wa shughuli za madini ili kuongeza tija kwenye  ukaguzi.

Katika mkutano huo mbali na wachimbaji wadogo kumpongeza kwa kazi kubwa anayofanya ya kusikiliza na kutatua changamoto kwenye  shughuli za uchimbaji madini katika mkoa wa Katavi, wachimbaji hao waliwasilisha changamoto mbalimbali ikiwa ni pamoja na mahitaji ya mikopo katika shughuli za utafutaji na uchimbaji wa madini, mafunzo kuhusu sheria ya madini na kanuni zake, uchimbaji salama na vifaa vya kisasa kwa ajili ya uchimbaji wa madini.

Akizungumza kwa niaba ya wachimbaji wadogo katika eneo hilo, Imso Masumbuko kutoka kikundi cha Kagera Group alisema kuwa wana uhitaji mkubwa wa elimu kuhusu uchimbaji wa madini  salama pamoja na vifaa vya kisasa ili waweze kuzalisha na kulipa kodi zaidi Serikalini.

Masumbuko mbali na kuainisha changamoto hizo aliiomba Wizara ya Madini kuiomba Wizara ya Nishati ili iweze kufikisha umeme katika machimbo hayo  kupitia Mradi wa Usambazaji wa Umeme Vijijini unaosimamiwa na Wakala wa Nishati Vijijini Awamu ya Tatu   REA III

Alifafanua kuwa, kutokana na ukosefu wa nishati ya umeme katika eneo lao wamekuwa wakitumia gharama kubwa kwenye uzalishaji wa madini kutokana na matumizi ya dizeli hivyo kupata faida kidogo sana.

Naye Karusum Daudi ambaye ni mchimbaji wa madini ya dhahabu katika eneo hilo aliiomba Serikali kupitia Wizara ya Madini iangalie uwezekano wa kuwapatia mikopo ili waweze kuchimba kwa kutumia vifaa vya kisasa.

Katika hatua nyingine Naibu Waziri Nyongo alifanya ziara katika Ofisi ya Afisa Madini Mkazi wa Mkoa wa Katavi na kusikiliza kero mbalimbali za watumishi ikiwa ni pamoja na kuzitatua.

Pia Naibu Waziri Nyongo alikutana na wachimbaji wadogo wa madini mjini Mpanda lengo likiwa ni kusikiliza na kutatua changamoto mbalimbali zinazowakabili kwenye shughuli za utafutaji na uchimbaji wa madini.

Mbali na kuwasilisha changamoto mbalimbali zilizotatuliwa na Naibu Waziri Nyongo papo hapo  wachimbaji wadogo wa madini walimpongeza Naibu Waziri Nyongo na kumwomba kuendelea na ari ya kusikiliza kero zao na kuzitatua.

Akizungumza katika kikao hicho, Nyongo alisema Wizara ya Madini haitachoka kutatua changamoto zinazowakabili wachimbaji wa madini nchini kwa kuwa inataka wachimbe katika mazingira mazuri na kulipa kodi Serikalini.

Naibu Waziri wa Madini, Stanslaus Nyongo akizungumza na wachimbaji wadogo wa madini katika machimbo ya  Dirifu, yaliyopo katika kata ya Magamba mkoani Katavi ikiwa ni sehemu ya ziara yake  katika mkoa huo yenye lengo la  kukagua shughuli za uchimbaji wa madini,  kusikiliza na kutatua kero za wachimbaji wa madini tarehe  Oktoba 11, 2018

  

Sehemu ya wachimbaji wadogo wa madini kutoka machimbo ya  Dirifu, yaliyopo katika kata ya Magamba mkoani Katavi wakifuatilia ufafanuzi uliokuwa unatolewa na Naibu Waziri wa Madini Stanslaus Nyongo (hayupo pichani   kwenye mkutano wa hadhara

  

Mmoja wa wachimbaji wadogo wa madini katika machimbo ya  Dirifu, yaliyopo katika kata ya Magamba mkoani Katavi akiwasilisha kero yake mbele ya  Naibu Waziri wa Madini, Stanslaus Nyongo. (hayupo pichani)

  

Naibu Waziri wa Madini Stanslaus Nyongo (katikati) akioneshwa mchoro wa ramani ya jengo linalojengwa la Ofisi ya Afisa Madini Mkazi wa Mkoa wa Katavi na  Mhandisi Andrew Mpangalala kutoka SUMA JKT ( wa kwanza kulia) ambao ndio wajenzi wa jengo hilo katika eneo la Msasani mjini Mpanda mkoani Katavi.

  

Naibu Waziri wa  Madini Stanslaus Nyongo (katikati) akiwa katika picha ya pamoja na watumishi wa Ofisi ya Afisa Madini Mkazi wa Mkoa wa Katavi mara baada ya kufanya nao kikao kilicholenga kujadili utendaji kazi.

(Picha zote na Kibada Ernest Kibada wa Katavi Press Club.)

MWISHO.